Inspektorati Policor i Kosovës (IPK) ka rekomanduar suspendimin e një togeri policor, nën dyshimin se ka manipuluar orët shtesë të punës.
Siç është bërë e ditur përmes komunikatës togeri dyshohet për keqpërdorim të detyrës.
“Informacionet e para lidhur me këtë rast IPK i ka pranuar nga Policia e Kosovës përderisa është duke kryer një hetim preliminar me dyshimin për manipulim të orëve shtesë të punës në drejtim të veprës penale ‘keqpërdorim i pozitës apo autoritetit zyrtar’”, thuhet në njoftim të IPK-së.
IPK-ja ka thënë se hetuesit e tij do të jenë në konsultim me prokurorin përgjegjës për të ndërmarrë veprime të tjera hetimore për ta sqaruar rastin.
