Kështu ka deklaruar ai në emisionin “Info Nata” në Tëvë 1, kur u pyet se a do të sjellin investime në vend, vizitat e Kurtit në Shtetet e Bashkuara të Amerikës.
“Nuk e di lus Zotin që të kemi investime. Mos të harrojmë ky vend është i të gjithëve, jam deputet dhe i gëzohem çdo suksesi të vendit tim dhe lus Zotin që Kurti të kenë suksese në sjelljen e investimeve të huaja dhe në aspektin gjeopolitik të kemi suksese. Por duke pasur parasysh deklaratat e Kurti mbi krijimin e vendeve të punës në Kosovë dhe këto deklarata i ka jo vetëm brenda por edhe në takim ndërkombëtare ne e dimë që asnjë vend i punës nuk është krijuar”, thotë ai.
Tutje, deputeti opozitar thotë se nuk ka pasur rritje të numrit të vendeve të punës, por që për shkak të mbështetjeve, punëtorët që kanë punuar pa dokumente tashmë janë regjistruar.
“Krejt çka ka ndodh për shkak të disa ndihmave realisht subvencioneve njerëzit që punonin në të zezë janë lajmëruar dhe janë ato vende që kanë punuar por në tregun e zi ndërsa nuk ka ndonjë investim të fabrikës që do të kishte krijuar vend real faktik dhe këto krekosje me vende të puëns janë boshe”, shtoi ai./teve1.info/
