Një vizitë të papritur, e zhvilloi presidenti rus Vladimir Putin të shtunën mbrëma në Mariupol të Ukrainës, e para kjo në territorin e pushtuar nga forcat e tij, pas luftës që nisi.
Udhëtimi pasoi në Krime për të shënuar përvjetorin e nëntë të aneksimit të gadishullit të Detit të Zi nga Ukraina.
Duke u nisur nga fakti që dy vizitat erdhën disa ditë pasi Gjykata Penale Ndërkombëtare lëshoi një urdhër arresti për liderin rus duke e akuzuar atë për krime lufte, atëherë kjo u konsiderua si një akt i kundshëm kundërshtimi nga ana e Putinit.
Vizita nxiti gjithashtu zemërim nga Ukraina, ku këshilltari i presidentit ukrainas Mykhailo Podolyak, tha se krimineli gjithmonë kthehet në skenën e krimit.
Një ekspert për Rusinë dhe Evropën Lindore, mendon se vizita e fundit e liderit rus në Krime dhe Mariupol u zgjodh në mënyrë strategjike për t’i dërguar mesazhe Perëndimit dhe popullit rus.
“Për Perëndimin mesazhi është një mesazh sfidues… Pothuajse ai po tregon se nuk kërkon falje dhe, ju e dini, në mënyrë efektive ai dëshiron të tregojë se është mbi këto zhvillime. Dhe gjithashtu për njerëzit e tij, ai po tregon se ka kontroll, tha Mark Voyger – ish-këshilltar special për çështjet ruse dhe euroaziatike
Kremlini këmbënguli se vizita ishte “spontane”.
Vizita është veçanërisht provokuese për ukrainasit e Mariupolit,pasi vendi ishte prej kohësh një simbol i rezistencës që ka dëshmuar disa nga luftimet më intensive që kur Rusia filloi pushtimin e saj.
Nga 450,000 njerëz që jetonin në qytet para luftës, më shumë se një e treta tashmë janë larguar./Tëvë1/
