Punëtorët teknike të Kuvendit të Kosovës i kanë mbushur tetë javë që janë në grevë në oborrin e këtij institucioni. E për to, të mërkurën protestuan organizatat për të drejtat e grave duke kërkuar që të mos shkelen të drejtat elementare të tyre. Sipas tyre, me pagën aktuale ato nuk mund të paguajnë as qiratë e banesave.
“Schafberger shtyp punëtorët, kuvendi e lejon”
Me këtë thirrje, organizatat e të drejtave të grave e filluan protestën para Kuvendit të Kosovës.
Përmes këtyre mesazheve, ato po kërkojnë që të plotësohen kërkesat e punëtorëve teknike të Kuvendit, të cilat janë në grevë qe tete jave.
Yll Islami nga organizata “Përpjekja” thotë se kërkesat e tyre janë të qarta.
Sipas Islamit, paga aktuale e grave punëtore të Kuvendit nuk i mbulon as shpenzimet elementare.
E Liridona Sijarina nga Kolektivi për Veprim dhe Mendim Feminist ka thënë se do të qëndrojnë me to derisa ti plotësohen kërkesat e tyre.
Këto punëtore teknike të Kuvendit janë në javën e tetë të grevës, kërkesa e tyre është që paga të bëhet 550 euro.
