Sigal Prishtina po avancon 1:0 në serinë çerekfinale të Superligës së Kosovës në basketboll ndaj skuadrës së Vëllaznimit.
Në ndeshjen e parë të kësaj serie, Prishtina të dielën mbrëma triumfoi në kryeqytet me shifrat 72:64.
Dhe, tani ekipit bardhekaltër i duhet vetëm edhe një fitore për të avancuar në gjysmëfinale të plejofit.
Ndeshja e parë ishte në përgjithësi e barabartë, por Prishtina arriti t’i fitoj dy çerekë me diferencë me të mëdha për t’i dhënë fund dilemës së fituesit.
Henrik Shirko me 18 pikë të shënuara ishte më i dalluari te Prishtina, ndërsa u veçuan edhe Devonte Clark (15 pikë) e Malcolm Armstead (10 pikë).
Jalen Ray me 18 pikë, si dhe Daniel Lekndrejaj e Jordan Dallas me nga 14 pikë secili ishin më të dalluarit te Vëllaznimi por që nuk arritën ta evitojnë humbjen. Dueli i dytë mes këtyre dy skuadrave, zhvillohet të martën në Gjakovë.
