Prishtina dhe Ballkani kanë mësuar kundërshtarët e mundshëm në rast se kalojnë në rrethin e tretë të Ligës së Konferencës. Të dyja skuadrat janë pjesë e rrethit të dytë, ku përballen me rivalë nga Irlanda dhe Malta.
Kryeqytetasit do të përballen me Larne nga Irlanda e Veriut, ndërsa kampionët në fuqi të Kosovës, Ballkani, sfidojnë Floriana FC nga Malta. Të dyja skuadrat synojnë kalimin në fazën tjetër të garës.
Në rast të kualifikimit, Prishtina dhe Ballkani do të vazhdojnë në rrethin e tretë kualifikues. Shorti tashmë është hedhur dhe janë përcaktuar kundërshtarët e mundshëm në këtë fazë.
Të dy skuadrat kosovare ndodhen në Grupin 3 dhe janë pjesë e vazos së skuadrave jo favorite. Kjo nënkupton se do të përballen me fituesit e çifteve me koeficient më të lartë evropian.
Kundërshtarët e mundshëm përfshijnë emra si AZ Alkmaar (Holandë), Santa Clara (Portugali), Maribor (Slloveni) dhe Shamrock Rovers (Irlandë), të cilët janë favoritë në përballjet e tyre.
Gjithashtu, në listën e mundshme janë edhe ekipet fituese nga duelet: Ives Tampere – AZ Alkmaar, St Joseph’s – Shamrock Rovers, NK Varazdin – Santa Clara, Vllaznia – Vikingur Reykjavik dhe Paksi FC – Maribor.
Të dyja skuadrat kosovare do të kenë një rrugë të vështirë përpara, por nëse kalojnë rrethin e dytë, do të përballen me kundërshtarë të fortë dhe me përvojë në arenën evropiane.
