Prishtina ka vazhduar rinovimin e kontratave me futbollistët kryesor dhe i fundit që ka nënshkruar një kontratë të re është mbrojtësi Ardian Limani.
Fituesi i Kupës së Kosovës dëshiron të mbajë shumicën e futbollistëve në ekip pasi ka siguruar kualifikimin në garat evropiane.
Gjatë ditëve të fundit, Prishtina ka rinovuar kontratën me portierin Agron Kolaj, mbrojtësin Ramiz Bytyqi dhe mesfushorin Ardian Muja.
I fundit që ka nënshkruar një kontratë të re është futbollisti gjilanas, Limani, i cili do të jetë i Prishtinës edhe për dy vite.
“Ardian Limani ka rinovuar me klubin për dy vite të tjera, pavarësisht interesimit nga klube të tjera. Limani ishte bashkuar ekipit në janar të vitit 2024”, thuhet në njoftimin e klubit kryeqytetas.
