Prishtina po avancon pas 45 minutave të para ndaj Larnes, në ndeshjen e kthimit të rrethit të dytë kualifikues të Ligës së Evropës.
Rezultati pas pjesës së parë është 1:0 në favor të Prishtinës, ndërsa ndeshja po luhet në stadiumin “Fadil Vokrri” në kryeqytet.
Rezultati i takimit u zhbllokua në minutën e 10-të kur pas një gabimi të ekipit mysafir, u dha goditje indrekte për Prishtinën.
Ishte mesfushori Gjelbrim Taipi që me gjuajtje të fuqishme shënoi gol fantastik për epërsinë e Prishtinës.
Prishtina ka mundur ta dyfishoj epërsinë në fund të pjesës së parë, por fillimisht Leotrin Kryeziu dështoi nga afërsia dhe më pas Ardian Muja qëlloi shtyllën prej goditjes nga këndi.
Me këtë rezultat, Prishtina me një këmbë është në raundin e tretë kualifikues, pasi në ndeshjen e parë të luajtur javën e shkuar në Irlandë të Veriut barazoi pa gola.
