Sigal Prishtina po vazhdon me përforcime vendore për sezonin 2025/26 në Superligën e Kosovës në basketboll.
Pas Arian Azemit, Dion Haxhosajt, Valmir Kakrukit e Daniel Lekndrejajt, Sigal Prishtina ka shtuar edhe një lojtar tjetër në radhët e veta.
Bëhet fjalë për fundorin Don Polloshka, i cili është rikthyer te Prishtina dhe do të jetë pjesë e ekipit për sezonin 2025/26.
Polloshka të martën është prezantuar te Prishtina, ekip të cilit i bashkohet pas dy sezoneve fantastike që i pati me fanellën e Vëllaznimit të Gjakovës.
Në fakt, Polloshka ishte ndër më të merituarit për triumfin e Vëllaznimit në Ligën Unike sezonin e shkuar, në të cilin luajti me një mesatare prej 8 pikëve, 3 kërcimeve e 4 asistimeve.
Në krye të Sigal Prishtinës për sezonin e ri, do të jetë trajneri i mirënjohur nga Greqia, Michalis Kakiouzis.
