Policia e Kosovës ka shpallur në kërkim një 22-vjeçare nga Samadrexha, nën dyshimin për përfshirje në veprimtari të kundërligjshme që lidhen me narkotikë.
Sipas njoftimit, bëhet fjalë për Blerina Maloku, e cila dyshohet për veprën penale “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Policia ka bërë të ditur se shpallja në kërkim është realizuar me autorizim të Prokuroria Themelore në Pejë, përmes Departamentit për Krime të Rënda.
Sipas autoriteteve, e dyshuara po hetohet në cilësinë e bashkëkryeres në një rast që lidhet me trafikimin e narkotikëve, ndërsa Drejtoria për Hetimin e Trafikimit me Narkotikë në Peja ka publikuar edhe fotografinë e saj për qëllime identifikimi dhe lokalizimi.
Policia u ka bërë thirrje qytetarëve që çdo informacion lidhur me vendndodhjen e të dyshuarës ta raportojnë në stacionin më të afërt policor ose përmes linjave zyrtare të komunikimit.
