Policia e Kosovës ka ndaluar dy furgonë që transportonin dru pa dokumentacionin përkatës në Shtërpcë.
Sipas njoftimit të Policisë, ndalimi është bërë në dy raste të ndara, në kuadër të planit operativ “Mbrojtja e Pyjeve 2026”.
Masa drusore e konfiskuar është dërguar në Agjencinë e Pyjeve në Shtërpcë, ku do t’i nënshtrohet matjes dhe procedurave të mëtejshme ligjore.
Policia ka bërë të ditur se do të vazhdojë bashkëpunimin me institucionet kompetente për parandalimin dhe luftimin e veprimtarive të kundërligjshme, me theks të veçantë në prerjen dhe transportimin e paligjshëm të druve./teve1.info/
