Policia e Kosovës është deklaruar për rastin ku një foshnjë e porsalindur është gjetur e braktisur në afërsi të deponisë së mbeturinave në rrugën “Qëndresa” në Prishtinë.
Sipas PK-së me të marrë informacionin rreth orës 11:00 të gjitha njësitet përkatëse kanë dal në vendin e ngjarjes, ku vdekja e foshnjës është konstatuar nga mjekët emergjentë.
Zëdhënësi i policisë për rajonin e Prishtinës, Agron Borovci ka thënë se trupi i foshnjës është dërguar në Institutin e Mjekësisë Ligjore dhe bashkë me prokurorinë po hetojnë rastin.
Ai ka kërkaur nga të gjithë qytetarët që kanë informacione për këtë rast të kontaktojnë policinë.
“Të gjitha njësitë relevante policore kanë dalë menjëherë në vendin e ngjarjes, po ashtu edhe mjekët emergjent të cilët kanë konstatuar se foshnja e porsalindur është pa shenja jete. Përderisa trupi i pajetë i foshnjës është dërguar në Institutin e Mjekësisë Ligjore, policia në koordinim me prokurorin e shtetit, me seriozitet është duke u trajtuar rastin dhe ka iniciuar një hetim mbi vdekjen. Ftojmë këdo që ka informacion lidhur me ngjarjen të kontaktojë direkt Policinë”, ka thënë ai.
Prokuroria nis hetimet për foshnjen e gjetur në mbeturina në Prishtinë
