Oklahoma City Thunder dhe Detroit Pistons kanë mbrojtur faktorin fushë duke dërguar seritë respektive përballë Los Angeles Lakers dhe Cleveland Cavaliers në 2-0. Për OKC ishte një ndeshje e qetë pasi Shai Gilgeous-Alexander nuk u ngarkua me faulle ndërsa arritën që të dominonin Lakers në pjesën e dytë falë Chet Holmgren, i cili ishte autor i 22 pikëve. Ndërsa për miqtë nga Kalifornia nuk mjaftuan 31 pikët e Austin Reaves dhe 23 të LeBron James.
Në takimin ndërmjet Pistons dhe Cavs, Cade Cunningham udhëhoqi Detroitin me 25 pikë dhe 10 asistime. Ekipi vendas ishte në formë të mirë pasi përveç Cade edhe katër lojtarë të tjerë e mbyllën këtë duel me numra dyshifrorë koshash të shënuar.
Kjo paraqitje e ekipit vendas zhvlerësoi 31 pikët e Donovan Mitchell ndërsa James Harden u paraqit nën nivelin e pritur.
DETROIT PISTONS-CLEVELAND CAVALIERS 107-97 (2-0)
OKLAHOMA CITY THUNDER-LOS ANGELES LAKERS 125-107 (2-0)
