Përzgjedhësi Murat Yakin ka thënë se Xherdan Shaqiri e ka të hapur derën për kthim te Zvicra.
Por ka theksuar se vendimi i takon yllit të Baselit.
“U përpoqa ta kontaktoja dje dhe i dërgova një mesazh zanor. E përgëzova për fitimin e kampionatit dhe paraqitjen e tij. Ne e respektuam vendimin e tij për t’u larguar nga përfaqësuesja. Ai e di rolin e tij dhe e luajti mirë në Kampionatin Evropian. Por për mua, dera është ende e hapur. Do ta shqyrtojmë në të ardhmen, por ai duhet të jetë gjithashtu i gatshëm”, ka thënë Yakin në konferencë për media.
Shaqiri ka shpërthyer me gola e asistime këtë sezon, duke e ndihmuar Baselin ta kthejë titullin e kampionit.
Përzgjedhësi Yakin u shpreh i lumtur edhe me kthimin e mesfushorit Ardon Jashari në ekip.
“Kjo u ra dakord me të dhe me menaxhmentin e tij. Ai kishte nevojë për pushim pas transferimit të tij dhe shumë ndeshjeve, gjë që është e kuptueshme. Ndeshjet që luajti ishin të pabesueshme. Ai dha paraqitje të shkëlqyera në nivelin më të lartë. Ai mund të luajë rol të rëndësishëm për ne”, u shpreh ai.
