Kryeministri në detyrë i Kosovës, Albin Kurti, ka njoftuar se të premten është përuruar Depoja Qendrore moderne e Barnave.
Në një postim në rrjetin social Facebook, Kurti ka bërë të ditur se punimet për ndërtimin e kësaj depoje kanë zgjatur gjashtë muaj, ndërsa vlera e investimit ka qenë rreth 2 milionë euro.
Sipas tij, kjo depo do të shërbejë për ruajtjen e barnave sipas standardeve më të larta bashkëkohore, duke përmirësuar ndjeshëm menaxhimin dhe sigurinë e furnizimit me barna.
“Gjashtë muaj zgjatën punimet, gati 2 milionë euro ishin investimet dhe nga sot vendi ynë ka një hapësirë ku barnat ruhen sipas standardeve më të larta bashkëkohore. Pas më shumë se dy dekadash, Kosova përsëri ka Depo Qendrore të Barnave”, ka shkruar Kurti./teve1.info/
