Autori: Unitet Berisha
Është njëri nga poligonet e trajnimit të Forcës së Sigurisë së Kosovës.
E së fundmi, ushtarakët kosovarë në të, e ushtruan gjuajtjen me mitraloz.
Por, jo të gjithë plumbat shpërthyen pasi dolën nga kjo armë.
Sic shihet edhe në këtë pamje të siguruar nga Tëvë1, njëri nga plumbat shpërtheu brenda armës së kalibrit të rëndë.
Si pasojë e kësaj, ky pjesëtar i FSK-së, përfundoi me lëndime të lehta.
E ekspertet e armëve, tregojnë se pse vije deri tek rastet e tilla.
“Ka disa faktorë që i shkaktojnë këto incidente, mirëpo, nga ajo që unë i pashë videot dhe nga përvoja dhe njohuria, të gjitha gjasat janë që kjo të ketë ndodhur për shkak të cilësisë së municionit”, ka thënë Kajtazi.
Të njëjtin mendim, e ka edhe eksperti i kriminalistikës, Armend Halimi.
“Vërehet qartë që problemi është te municioni, duhet të merret seriozisht, jo vetëm për rastet e ndodhura, por një parandalim i përgjithshëm. Nuk guxohet të manovrohet me municion të dyshimtë, duhet ekspertizë kriminalistike nëse municioni është adekuat dhe nëse është proceduar sipas standardeve profesionale”, u shpreh Halimi.
E ish-komandanti i FSK-së, Rrahman Rama, thotë se incidentet e tilla gjatë trajnimeve ushtarake, ndodhin në të gjitha ushtritë e botës.
“Ka ekspertë brenda forcës që mund t’i parandalojnë këto. A ndodhin? Ndodhin bre, ndodhin edhe në ushtritë më të avancuara. Nuk duhet me marrë si tragjike këtë punë”, ka thënë Rama.
Ndërkohë, lëndimin e lehtë të pjesëtarit, e ka konfirmuar të mërkurën edhe vet FSK.
Por, këta të fundit kanë shtuar se numri i aksidenteve gjatë ushtrimeve mbetet i vogël për shkak të masave të sigurisë në menaxhimin e rrezikut
