Partia Demokratike e Kosovës ka dal në mbështetje të protestës së paralajmëruar për nesër nga organizatat e dala nga lufta e UÇK-së.
Sipas PDK-së kjo protestë është një reagim i drejtë qytetar dhe kombëtar për mbrojtjen e dinjitetit të viktimave, të familjeve të tyre dhe të vlerave të luftës çlirimtare të popullit të Kosovës.
“Çdo përpjekje për të shtrembëruar faktet, për të relativizuar krimet apo për të rishkruar historinë tonë është e papranueshme dhe duhet të kundërshtohet me vendosmëri. Mbrojtja e së vërtetës për luftën tonë është një detyrim shtetëror dhe moral. Duke ruajtur të vërtetën, ne njëkohësisht nderojmë viktimat dhe sakrificën e tyre”, thuhet nga PDK.
Organizata e Veteranëve të Luftës së UÇK-së ka paralajmëruar protestë simbolike për nesër në ora 13:00 para Kuvendit të Kosovës, lidhur me reagimet dhe polemikat e fundit për ekspozitën “Masakrat në Kosovë 1998–1999”, e cila u shfaq në sheshet e Prishtinës.
Ndërkohë është bërë e ditur se të premten protesta pritet të jetë më e madhe.
Paralajmërimi për protestë vjen pas kritikave të shumta publike për pasaktësi në pasqyrimin e masakrave të luftës së fundit në Kosovë./teve1.info/
Veteranët e UÇK-së paralajmërojnë protestë nesër lidhur me ekspozitën e masakrave në Kosovë
