Sonte me fillim nga ora 21:00 në stadiumin “Giuseppe Meazza” do të zhvillohet ndeshja kthyese e gjysmëfinales së Kupës së Kosovës ku do të ballafaqohen Interi dhe Milani në atë që është derbi i katër lokal brenda këtij sezoni.
Ballafaqimi i parë i zhvilluar ndërmjet këtyre dy skuadrave kishte përfunduar me barazim pa gola (0-0) andaj gjithçka sa i përket skuadrës që do të vazhdojë në finale është shumë e hapur.
Disa orë para fillimit të ndeshjes, ka folur braziliani Alexandre Pato, braziliani i cili në të kaluarën ishte pjesë e “Rossonerëve”.
Ai fillimisht foli se si përjetohej derbi milanez në kohën kur ai ishte pjesë e tij.
“Në atë kohë nuk e kuptoja rëndësinë, thjesht doja të shkoja në shtëpi dhe të ndihesha rehat. Tani do të ishte ndryshe. Derbi jep ndjesi të pashpjegueshme dhe shumë krenari. Është zemra e qytetit, që ka kulturë, modë, gjithçka. Megjithatë në kohën e derbit gjithçka ndalon”, tha Pato.
I peytur se kush e fiton derbin, Pato tha se kjo ndeshje është shumë e vështirë por që një fitore eventiale e Milanit do të sillte motiv shtesë për këtë skaudër.
“Ndeshje e vështirë. Milani nuk mund të rrëshqasë, sepse Scudetto është vetëm pak larg dhe Milani mund ta fitojë atë. Mundja e kundërshtarëve në Kupën e Italisë do të jepte më shumë energji”, theksoi Pato.
Kurse duke folur për atë se kush mund të shënojë në këtë derbi, Pato përmendi Olivier Giroud dhe Rafael Leaon.
“Giroud është i fortë, Leao duhet të gjejë momentin e duhur. Le ta lëmë të hapur parashikimin, sepse kështu është gjithmonë me Interin”, tha në fund Pato.
