Presidentja e Kosovës, Vjosa Osmani, gjatë vizitës së saj zyrtare në Japoni, është takuar në Tokio me Kryetarin e Agjencisë Japoneze për Bashkëpunim Ndërkombëtar (JICA), Tanaka Akihiko.
Në këtë takim është diskutuar për projektet aktuale dhe ato të ardhshme që JICA mbështet në Kosovë, me fokus në zhvillim të qëndrueshëm, infrastrukturë dhe ndërtim të kapaciteteve institucionale.
Derisa, presidentja theksoi rëndësinë e partneritetit të gjatë dhe të qëndrueshëm me JICA-n, duke vlerësuar lartë përkushtimin e kësaj agjencie për të ndihmuar zhvillimin ekonomik dhe progresin e Kosovës.
“Kosova e vlerëson thellësisht partneritetin me JICA-n gjatë viteve dhe përkushtimin e palëkundur për të mbështetur rritjen ekonomike dhe progresin e vendit tonë”, ka deklaruar Osmani./teve1.info/
