Presidentja e Kosovës, Vjosa Osmani ka ndarë fotografi nga Samiti i Komunitetit Politik Evropian që po mbahet të premten në Tiranë.
E para e vendit tha se pjesëmarrja e Kosovës për të gjashtën herë në këtë Samit, tregon se zëri i vendit është i pranishëm, i domosdoshëm dhe kontribuues në platformat ku diskutohen sfidat e përbashkëta dhe vendoset për të ardhmen e kontinentit.
“Sot në Tiranë filloi Samiti i liderëve të Komunitetit Politik Evropian. Pjesëmarrja jonë e gjashtë në këtë samit është dëshmi se zëri i Kosovës është i pranishëm, i domosdoshëm dhe kontribuues në platformat ku diskutohen sfidat e përbashkëta dhe vendoset për të ardhmen e kontinentit tonë”, ka shkruar Osmani në Facebook./teve1.info/
