Presidentja e Kosovës, Vjosa Osmani ka thënë se garantimi i sigurisë dhe sundimit të ligjit është thelbësore për zgjidhje afatgjate.
Ajo kështu ka shkruar në Facebook, ku ka treguar se Kosova dhe Kroacia i kanë prirë dje diskutimit të nivelit më të lartë evropian për sfidat e migrimit, mobilitetin dhe fuqizimin e të rinjve gjatë Samitit të liderëve të Komunitetit Politik Evropian.
“Bashkë me Kryeministrin e Kroacisë, Andrej Plenković, bashkëkryesuam tryezën e liderëve temën “Një Evropë e hapur me kufij të sigurt”.Përderisa sfidat dallonin nga shteti në shtet, një gjë ishte e qartë, përkushtimi për garantim të sigurisë dhe sundim të ligjit mbeten kyç për politika të duhura e zgjidhje afatgjata”, ka shkruar Osmani në Facebook.
Osmani gjatë këtij samiti ka dhënë kritika ndaj BE-së e cila sipas presidentes nuk po e vlerëson punën e Kosovës dhe rreshtimin e saj me vendet e bllokut.
Ajo ka zhvilluar edhe një sërë takimesh me udhëheqës të vendeve të ndryshme.
