Vendosja e dollapave në shkollat fillore të kryeqytetit për nxënësit e klasave të para deri në të pestën nga komuna e Prishtinës, po vlerësohet e qëlluar. Derisa nxënësit mirëpresin iniciativën e komunës thonë se pesha e çantës është lehtësuar.
Si mjaft e qëlluar, po vlerësohet iniciativa për vendosjen e dollapëve në shkollat fillore të kryeqytetit. Kjo për faktin se në vazhdimësi, ka pasur ankesa për peshën e rëndë të çantës.
E gjatë së martës dollapat u vendosën fillimisht në disa shkolla.
Nxënësit e shkollës fillore “Ismail Qemali”, veç kanë filluar t’i shfrytëzojnë, derisa një gjë e tillë, duket se I ka lumturuar mjaft shumë.
Edhe drejtoresha e kësaj shkolle thotë se pas kësaj iniciative nxënësit e klasave të para deri në të pestën do ta kenë më të lehtë peshën e çantave. Ndërsa tregon se kjo u mirëprit edhe nga prindërit, nxënësit e mësimdhënësit.
Të qëlluar këtë iniciativë e cilëson dhe kryetari i SBASHK-ut, Rrahman Jasharaj.
Sipas Organizatës Botërore të Shëndetësisë, pesha fizike që bartin fëmijët nuk duhet të jetë mbi 10 përqindëshin e peshës trupore të fëmijëve, pra mesatarisht 2.3 kilogramë.
Kronika e realizuar nga Lendrina Kodrolli
