Gjykata Themelore në Prishtinë i ka caktuar masën e paraburgimit prej një muaji zyrtarit policor, i cili dyshohet për ryshfet.
Zyrtari policor dyshohet se ka pranuar rreth 1 mijë euro për të interferuar në hetimet e një rasti penal.
“Gjyqtari i Procedurës Paraprake ka aprovuar kërkesën e Prokurorisë Themelore në Prishtinë dhe të pandehurit B.H iu është caktuar masa e paraburgimit në kohëzgjatje prej një muaj, masa e paraburgimit është caktuar në kuptim të nenit 184 paragrafi 1, nën paragrafi 1.1 dhe 1.2 , pika 1.2.1, 1.2.2 dhe 1.2.3 të KPPRK-së”, thuhet në njoftim të Gjykatës.
Ndërkohë, ditë më parë Policia e Kosovës ka bërë të ditur se hetuesit e IPK-së kishin filluar kohë më parë hetimet për këtë rast si dhe për “Keqpërdorim të detyrës zyrtare”./teve1.info/
