Kryesia e Lidhjes Demokratike të Kosovës është mbledhur sot, ku pritet të nominohet kandidati për kryeministër nga radhët e kësaj partie. Takimi po zhvillohet në kuadër të përgatitjeve për zgjedhjet e parakohshme parlamentare që do të mbahen më 28 dhjetor.
LDK-ja në zgjedhjet e përgjithshme të mbajtura në muajin shkurt kishte dalë e treta, pas Lëvizjes Vetëvendosje dhe Partisë Demokratike të Kosovës.
Ndërkohë, është paralajmëruar se në ora 16:30 LDK do të mbajë një konferencë për media, ku pritet të jepen detaje lidhur me vendimet e sotme të Kryesisë.
