Policia e Shqipërisë ka arrestuar në Dhërmi të Vlorës një 28-vjeçar nën dyshimin se pasi kishte ndezur fishekzjarrë ishte shkaktuar djegia e një hapësire pylli.
Siç bëhet e ditur në njoftimin e Policisë, i arrestuari është L.Xh.
“28-vjeçari dyshohet se, gjatë një eventi në një subjekt privat në fshatin Dhërmi, ndezi fishekzjarre që shkaktuan zjarrin, duke dëmtuar një sipërfaqe të konsiderueshme me shkurre dhe bimësi”, thuhet në njoftim.
Vepra penale për të cilën dyshohet ai, është “shkatërrim nga pakujdesia i pyjeve dhe mjedisit pyjor”.
