Një nga sfidat më interesante ndonjëherë në historinë e basketbollit të femrave në Kosovë do të zhvillohet sonte.
Bashkimi dhe Prishtina zhvillojnë ndeshjen e pestë finale në kuadër të Play-off-it me ç’rast fituesi i sotëm do të shpallet edhe kampion.
Rezultati aktual në seri është 2:2. Bashkimi fitoi ndeshjen e parë më rezultat 92:76, për të barazuar Prishtina në lojën e kthimit serinë me shifrat 79:66. Prizrenaset fitoren e tretë e arritën me vetëm një pikë dallim, me rezultatin minimal 70:69, ndërsa në lojën e katërt, vajzat e Prishtinës bindshëm ishin më të mira, duke e mbyllur ndeshjen me plot 25 pikë për rezultatin final 67:42.
Në taborin nga kryeqyteti Sarah Magbike po tregohet shtylla kryesore e ekipit, ndërsa në anën e vashave nga Prizreni, Arbnore Përçuku me përvojën e sajë dhe me ndihmën e amerikanes Brown Haywood po tregohen mbajnë barën e skuadrës.
Prizrenaset duan trofeun e shtatë të titullit të kampionit, kurse prishtinaset të 12-tin në histori të klubit.
Ndeshja do të zhvillohet në Therandë në Palestrën “13 Qershori” nga ora 20:00.
