Edon Zhegrova sipas të gjitha gjasave karrierën do ta vazhdoj në Serie A të Italisë.
Në fakt, Zhegrova këtë verë pritet ti bashkohet Napolit, ekip që u shpall kampion i Italisë për sezonin 2024/25.
Mësohet se Napoli ka marrëveshje në parim me Zhegrovën dhe po negocion me skuadrën e Lillet për transferimin e tij.
Lille për ta lënë të lirë Zhegrovën këtë verë po kërkon të paktën 20 milionë euro, ndërsa Napoli po ofron 15 milionë euro për kartonin e tij.
Marrëveshja mes klubeve mund të arrihet së shpejti, ndërsa Zhegrova ka pranuar ofertën e Napolit për kontratë katërvjeçare me mundësi vazhdimi edhe për një vit tjetër.
26-vjeçari ka kontratë me Lillen deri në vitin 2026, ndërsa nuk ka luajtur për gati gjashtë muaj për shkak të lëndimit.
Ai është pjesë e Lillet prej janarit të vitit 2022 kur iu bashkua nga Baseli, ndërsa për ekipin francez në sezonin 2024/25 ka shënuar 8 gola dhe ka bërë 2 asistime në 21 paraqitje në të gjitha garat.
