Kombëtarja e Zvicrës bëri sot publike listën e futbollistëve të grumbulluar për ndeshjet e muajit shtator, në kuadër të kualifikimeve për Kupën e Botës 2026.
Trajneri Murat Yakin u paraqit në konferencën për media për të prezantuar listën dhe për të folur për çështje të rëndësishme të skuadrës.
Një nga temat kryesore të konferencës ishte vendimi i futbollistit të ri Leon Avdullahut për të zgjedhur të përfaqësojë Kombëtaren e Kosovës, një lajm që ka pasur ndikim të madh në arenën sportive zvicerane dhe shqiptare.
“Ne u përpoqëm shumë ta merrnim atë. Qysh nga fillimi i këtij viti kemi qenë në kontakt të vazhdueshëm me Leonin. Me kalimin e tij në Bundesliga edhe pritshmëritë tona u rritën. Në u përpoqëm vërtet shumë.”
Trajneri shtoi se “vendimi sigurisht nuk ishte i lehtë për të dhe tani duhet ta pranojmë. Mendoj se është për t’u ardhur keq, sepse humbëm një lojtar me potencial të madh.”
Në listën e publikuar nga Zvicra, dy shqiptarët e vetëm të përfshirë janë mesfushorët Granit Xhaka dhe Ardon Jashari, dy prej figurave kryesore të skuadrës.
Kujtojmë që Zvicra me 5 shtator luan kundër Kombëtares së Kosovës, ndërsa tre dit pas duelit me Dardanët, helvetikët do të përballen dhe me Slloveninë.
