Futbollisti i Shqipërisë, Arbnor Muja, e ka thyer heshtjen dhe ka folur për largimin e papritur nga Antwerpi në Belgjikë.
Muja befasisht kaloi nga ekipi belg, në drejtim të Turqisë te skuadra Samsunspor. Sulmuesi i krahut në shkurt të këtij viti u transferua për 2 milionë euro.
“Ky transferim erdhi si befasi për mua”, ka thënë Muja të enjten, shkruan mediumi belg “hbvl.be”.
“Nuk e kisha ndërmend të largohesha. Antwerpi ishte bërë shtëpia ime e dytë”, ka vazhduar ai.
Muja ka shtuar se me dëshirën më të madhe ka dashur të luajë për skuadrën me të cilën e fitoi titullin, Kupën dhe Superkupën në Belgjikë.
“Për fat të keq, klubi më tha në fund të muajit janar se dashuria më nuk ishte e ndërsjellë”, është shprehur ai.
