Skuadra e Milanit, më në fund ka gjetur sulmues, pasi ka siguruar shërbimet e francezit Cristopher Nkunku, kanë njoftuar mediumet italiane të enjten.
Marrëveshja mes të gjitha palëve është arritur dhe brenda ditësh do të bëhet zyrtare, me Nkunkun që do ta vazhdojë karrierën në Itali.
Milani është pajtuar ti paguajë Chelseat 40 milionë euro për Nkunkun, i cili me ekipin italian do të firmos kontratë katërvjeçare me pagë vjetore prej 5 milionë eurosh.
Nkunku 27-vjeçar në vitin 2023 iu bashkua Chelseat nga skuadra e Leipzigut, ndërsa karrierë ka bërë edhe te Paris Saint-Germaini.
