Kroati Luka Modriq mund të konsiderohet tashmë futbollist i skuadrës së Milanit, kanë raportuar të mërkurën mediumet italiane.
Bëhet e ditur se palët tashmë kanë arritur marrëveshjen, e cila do të finalizohet dhe bëhet zyrtare në fillim të javës së ardhshme.
Modriq në fillim të javës së ardhshme do të jetë në Milano për ta firmosur kontratën dhe për ta bërë prezantimin e tij te “rossonerët”.
Kroati do ti bashkohet ekipit italian si lojtar i lirë pasi i skadon kontrata me Real Madridin dhe me Milanin do të firmos kontratë njëvjeçare me opsionin e vazhdimit edhe për një vit tjetër, ndërsa do të ketë pagë vjetore prej 4 milionë eurosh.
39-vjeçari prej vitit 2012 ka qenë pjesë e Real Madridit, ekip me të cilin ka fituar gjithçka që mund të fitohet në nivel klubesh.
