Milani ka shënuar fitore ndaj Cagliarit si mysafir me rezultat 3-1 në kuadër të javës së gjashtë në Serie A.
Vendasit ishin të parët që kaluan në epërsi, duke gjetur golin në minutën e 29-të me Zito Luvumbo.
Por vetëm pas disa minutash Milani barazoi me sulmuesin Noah Okafor që shënoi për 1-1.
Pak pa u mbyllur pjesa e parë kuqezinjtë arritën të marrin epërsinë, me golin e Fikayo Tomorit.
Me këtë rezultat u mbyll pjesa e parë, ndërsa në të dytën Milani arriti të shënojë edhe golin e sigurisë.
Në minutën e 60-të, ishte Ruben Loftus-Cheek që shënoi pas asistimit të Christian Pulisic për 3-1.
Deri në fund nuk kishte më raste të mira dhe gola dhe Milani mori fitoren e pestë sezonale që e dërgon në pozitën e dytë.
