Burimet e televizionit Tëvë1 kanë sigurar memorandumin shpjegues të Partisë Demokratike të Kosovës lidhur me procedimin për plotësim ndryshimin e ligjit për Dhomat e Specializuara.
Në këtë memorandum prej 28 faqesh janë dhënë 4 objektiva kryesore të ligjit e që janë:
1.Përcaktimi i saktë ligjor i kompetencës lëndore, personale, kohore dhe territoriale të Gjykatës Speciale dhe Zyrës së Prokurorit të Specializuar, duke e kufizuar veprimtarinë e tyre ekskluzivisht në pretendimet specifike të Raportit të Asamblesë Parlamentare të Këshillit të Evropës (Dok. 12462, datë 7 janar 2011), në zbatim të Nenit 162 të Kushtetutës dhe Aktgjykimit KO26/15 të Gjykatës Kushtetuese.
2.Parandalimi i stigmatizimit kolektiv dhe kriminalizimit të UÇK-së si ndërmarrje kriminale, duke marrë parasysh pasojat e rënda për rendin kushtetues dhe shtetësinë e Republikë së Kosovës.
3.Të sigurohet që çështjet me rëndësi vitale për identitetin dhe historinë kombëtare të gjykohen brenda territorit sovran nga gjykatat e rregullta të Kosovës, të cilat gëzojnë legjitimitet demokratik dhe llogaridhënie para popullit të Kosovës, me mundësi vëzhgimi nga mekanizmat ndërkombëtarë.
4.Mënjanimi i ndërhyrjeve gjyqësore të përgjithësuara nga trupa ndërkombëtarë të izoluar, të cilët përmes kualifikimeve të gjera kriminale rrezikojnë të thellojnë ndasitë e brendshme dhe të dëmtojnë unitetin shoqëror në Kosovë.
