Kanada dhe Bosnjë-Hercegovina kanë barazuar 1:1 në ndeshjen e zhvilluar të premten mbrëma në Toronto, e vlefshme për Grupin B të Kupës së Botës.
Bosnjë-Hercegovina kaloi e para në epërsi në minutën e 21-të me golin e Jovo Lukiq, duke e mbyllur pjesën e parë në avantazh minimal.
Kanadaja arriti të barazojë rezultatin në minutën e 78-të, kur Cyle Larin shënoi vetëm dy minuta pas inkuadrimit në lojë.
Në Grupin B bëjnë pjesë edhe Zvicra dhe Katari, të cilat zhvillojnë ndeshjen e tyre nesër.
Bosnjë-Hercegovina ndeshjen e radhës do ta luajë më 18 qershor ndaj Zvicrës, ndërsa Kanadaja një ditë më vonë përballet me Katarin.
