Politologu, Albinot Maloku vlerëson se kandidati i PDK-së, Bedri Hamza do të kishte me qenë kryeministri i duhur për Republikën e Kosovës.
Maloku deklaron se Hamza është figurë politike e cila përshtatet me të gjitha rrethanat e së ardhmes që Kosova do t’u vihet përballë.
“Në shpjegimin dhe mendimin tim, Bedri Hamza kishte me qenë kryeministri më normal për Republikën e Kosovës, për rrethanat e për të gjitha. Lidership të fortë, mirëpo jo populist edhe jo që në momente të caktuara tërhiqet. Por, një individ – një figurë, e cila ka një konsistencë dhe në rrethanat gjeopolitike, në të cilat ka me kalua Kosova është më stabile sesa di me u ruajt me ra kur ka ‘fryma të mëdha’. Dhe, krijohet një seriozitet më i madh”, tha ai në emisionin “Këndi i Debatit” në Tëvë1.
Sipas tij, PDK-ja ka gjetur kandidatin e duhur, pasi thotë se kryetari i këtij subjekti politik nuk ka arritur ta konsolidojë vetën si lider.
“Gjithsesi, PDK-ja e gjet njeriun më të mirë që pati mundësi ta ketë është e vërtetë që kryetari i kësaj partie gjatë kësaj periudhe s’arriti të konsolidojë vetën si lider e si figurë. Kryetari ka pasur mungesë të lidershipit real të PDK-së”, tha Maloku. /teve1.info/
