Ka përfunduar sezoni 2024/25 në Superligën e Kosovës në futboll, të dielën, me ndeshjen e xhiros së 36-të.
Malisheva ka siguruar daljen në garat evropiane, Llapi barazhin për Superligë kurse Suhareka i është bashkuar Feronikelit ’74 dhe sezonin e ri do të bëjë gara në Ligën e Parë.
Sa i përket titullit të kampionit, Drita javë më parë është konfirmuar në pozitën e parë kurse nënkampion ka dalë Ballkani, ekip që në tri sezonet e shkuara ishte shpallur kampion.
Drita si kampione, Ballkani nënkampion, Malisheva nga pozita e tretë dhe Prishtina që fitoi Kupën e Kosovës, sezonin 2025/26 do të paraqiten në kualifikimet e garave të UEFA-s.
Në xhiron e fundit, Drita triumfoi 4:1 ndaj Feronikelit ’74 për ta mbyllur sezonin e para me 74 pikë.
Ballkani tuboi 64 pikë dhe në xhiron e fundit mposhti 2:1 skuadrën e Suharekës, e cila pas një viti në Superligë rikthehet në një rang më poshtë. Suhareka përfundoi e parafundit me 42 pikë kurse Feronikeli ’74 i fundit më 15 pikë.
Ferizaj mposhti Gjilanin 2:1 për pozitën e katërt në tabelë, duke mbyllur sezonin me 52 pikë, pesë më shumë se gjilanasit që përfunduan të pestit më 50 pikë.
Prishtina mbeti e shtata me 47 pikë, pasi u mposht në shtëpi nga Malisheva 2:1, ekip që siguroi pozitën e tretë në tabelë me 55 pikë.
Ndërkohë, Llapi mposhti 3:1 Dukagjinin dhe përfundoi i teti dhe javën e ardhshme do të luaj në barazhin e Superligës kundër skuadrës së Vushtrrisë.
Pjesë e Superligës në sezonin e ri, tashmë janë konfirmuar Drenica dhe Prishtina e Re, skuadra që dolën kampione në Grupin A dhe Grupin B të Ligës së Parë.
Rezultatet:
Llapi – Dukagjini 3:1
Suhareka – Ballkani 2:2
Ferizaj – Gjilani 2:2
Prishtina – Malisheva 2:2
Drita – Feronikeli 4:1
1. Drita 36 74
2. Ballkani 36 62
3. Malisheva 36 53
4. Gjilani 36 51
5. Ferizaj 36 50
6. Prishtina 36 48
7. Dukagjini 36 48
8. Llapi 36 47
9. Suhareka 36 43
10. Feronikeli ’74 36 15
