Njëri prej sulmuesve të dalluar të krahut në futbollin kosovar, Hasan Hyseni, ka zgjedhur Llapin për të vazhduar karrierën.
Llapi të enjten e prezantoi Hysenin, që së fundi ishte te Feronikeli 74. Ai më herët luajt
i me shumë sukses edhe te Prishtina dhe skuadra të tjera. Ka pasur oferta të shumta këtë afat kalimtar, ndërsa vendosi për atë të Tahir Batatinës.
Hyseni ka firmosur për një vit, ndërsa llapjanët presin të përfitojnë shumë nga shpejtësia e tij.
“Hyseni konsiderohet si një nga futbollistët më të shpejtë në Superligë. Shpejtësia e tij e jashtëzakonshme pritet të jetë një armë shtesë në fazën tonë sulmuese për edicionin e ri.
Cani mirë se erdhe në shtëpinë tënde të re, ‘Zahir Pajaziti’. Të urojmë shumë suksese dhe sa më shumë gola me fanellën bardhekaltër”, ka shkruar Llapi në njoftim.
