Lewis Hamilton dhe Kim Kardashian kanë bërë paraqitjen e tyre të parë publike së bashku, duke ndezur menjëherë rrjetet sociale dhe thashethemet për një lidhje romantike mes tyre.
Kampioni shtatë herë i botës në Formula 1 dhe ylli i reality show-t u panë të ulur pranë njëri-tjetrit në një suitë private gjatë Super Bowl-it të NFL-së, i zhvilluar në stadiumin Levi’s.
Kamerat e NBC i fokusuan teksa ndiqnin ndeshjen mes Seattle Seahawks dhe New England Patriots, ndërsa prania e tyre krah për krah nuk kaloi pa u vënë re nga fansat dhe stafi i eventit.
Sipas një dëshmitari okular të cituar nga US Sun, vëmendja në atë kat ishte e gjitha mbi ta.
Ishin të ulur në një suitë anësore dhe të gjithë flisnin vetëm për Lewis dhe Kim. Stafi përpiqej vazhdimisht t’i shihte nga afër
-ka treguar burimi.
Ai shtoi se në një moment Hamilton kaloi në korridor, ndërsa pak minuta më vonë u pa edhe Kim duke e ndjekur.
Paraqitja e tyre vjen vetëm pak javë pasi u raportua se Kim Kardashian kishte udhëtuar nga Los Angeles drejt Mbretërisë së Bashkuar për të kaluar një fundjavë romantike me Hamiltonin.
Sipas mediave britanike, dyshja thuhet se ka qëndruar në rezidencën luksoze Estelle Manor në Cotswolds.
Edhe pse asnjëri prej tyre nuk ka konfirmuar publikisht romancën, kjo dalje e përbashkët në Super Bowl duket se ka mjaftuar për të ndezur spekulimet dhe entuziazmin e fansave në mbarë botën.
