Medon Berishës i është kthyer në makth dëmtimi, që pësoi më 12 dhjetor. Ishin minutat e para ndaj Pizës, kur u detyrua të largohej i dëmtuar. Fillimisht u tha se do të qëndrojë vetëm një muaj jashtë fushës së blertë, por parashikimi rezultoi i gabuar. Berisha nuk do të jetë i gatshëm as në stol nesër, ndërsa Leçe do të përballet me Interin. Mesfushori i Kombëtares vijon të stërvitet i diferencuar nga pjesa tjetër e grupit.
Tashmë bëhen 11 javë të Seria A, që Berisha i ka humbur. 22-vjeçari po shkëlqente para dëmtimit, ndërsa numëronte dy gola dhe tre asistime.
