Agjencia e Ushqimit dhe Veterinarise, ka njoftuar se është larguar nga tregu qumështi “Perfetto”.
Përmes një komunikate, kjo agjenci thotë se qumështi “Perfetto”, nuk i plotëson kriteret ligjore për konsum, përcjell teve1.info.
“Është larguar nga tregu qumështi ‘’ Perfetto’’ 2.8% qe ka datë skadence 20.08.2023. Agjencia e Ushqimit dhe Veterinarisë përmes trupave inspektuese veterinare ka gjetur se: produkti qumësht i brendit‘’ Perfetto’’ 2.8% me origjinë nga Maqedonia Veriore i distribuuar në tregun e Kosovës nga Atlantik Group qe mban datë skadence 20.08.2023, nuk i plotëson kriteret ligjore për konsum. Pas hapjes së disa mostrave është vërejtur se qumështi ka ndryshuar vetitë organoleptike, ka koaguluar shihen dromcat ( ka filluar prishja). Sasi e gjetur në disa markete është asgjësuar menjëherë. Në anën tjetër është urdhëruar distributori të bëj tërheqjen e produktit nga të gjitha pikat shitëse, në tërë territorin e Kosovës”, thuhet në komunikatën e tyre në Facebook.
Njëherit, AUV u ka bërë thirrje konsumatorëve t’i lajmërojnë autoritetet, në qoftë se gjejnë në shitje qumështin e brendit “Perfetto”./teve1.info/.
