Shefja e Grupit Parlamentar të Lëvizjes Vetëvendosje, Mimoza Kusari-Lila, thotë se Serbia asnjëherë nuk ka qenë e gatshme ta njohë Kosovën, për veç një rasti kur është përmendur shkëmbimi i territoreve.
“Serbia në asnjë moment apo asnjë fazë nuk e ka tregu gatishmërinë e saj për ta njohur Kosovën, përveç një rasti, që edhe sot nuk e fshehin – kur është diskutu shkëmbimi i territorial” , tha ajo gjatë fjalimin në Kuvendin e Kosovës.
Sipas Kusarit, nëse diskutimi për shkëmbimin e territoreve kthehet në tavolinë, Serbia është e gatshme ta njohë Kosovën.
“Sot, aktualisht nëse kthehet në tavolinë shkëmbimi i territoreve midis Kosovës dhe Serbisë, Serbia është e gatshme të thotë se e njohë Kosovën, për arsye që morra diçka. Se kjo ishte përshtypja që ishte krijuar në vazhdimësi në kompensim të diçkaje që duhet t’i jepet diçka Serbisë për njohje, dhe kjo jo që ka qenë një qasje e gabuar, por ka qenë tepër e rrezikshme jo vetëm për të dyja vendet, por për krejt ballkanin dhe si e tillë tashmë as nuk diskutohet e as nuk trajtohet”, tha ajo. /teve1.info/
