Kryeministri i vendit, Albin Kurti, ka vizituar shkollën fillore Nettlefield në Belfast, ku ka parë nga afër zbatimin e sistemit të “Arsimit të Përbashkët”.
Përmes një komunikate për media, thuhet se me zbatimin e këtij sistemi, nxënës të komuniteteve të ndryshme, kanë mundësi që së bashku të mësojnë në aktivitete të shumta, përfshirë sportin, artin dhe shkencën.
“Gjatë qëndrimit në Belfast të Irlandës Veriore, Kryeministri i Republikës së Kosovës, Albin Kurti, gjithashtu vizitoi shkollën Nettlefield, për të parë nga afër dhe në praktikë zbatimin e sistemit të “Arsimit të Përbashkët” (Shared Education). Përmes këtij sistemi, i cili gjen aplikim në rreth 900 shkolla në Irlandën Veriore, nxënës të komuniteteve të ndryshme kanë mundësi që së bashku të mësojnë dhe ndërveprojnë në aktivitete të ndryshme që përfshijnë sportin, artin dhe shkencën”, thuhet në komunikatë.
Po ashtu, Kurti së bashku me zëvendësministren e Punëve të Jashtme dhe Disaporës, Liza Gashi dhe këshilltaren e tij për Çështje të Komuniteteve, Elizabeth Gowing, patën mundësinë që të bisedojnë me nxënësit e shkollës Nettlefield dhe të dëgjojnë nga mësuesit dhe drejtorët për mënyrat dhe rezultatet që shkollat kanë shënuar në thyerjen e barrierave mes komuniteteve./teve1.info/.
