Lëvizja Vetëvendosje ka propozuar nënkryetarin e kësaj partie, Glauk Konjufca për mandatar për kryeministër të Kosovës.
Kryetari i kësaj partie, Albin Kurti tha se mbrëmë në kryesi janë dakorduar që Konjufca të jetë kryeministër në mënyrë që të mos ketë dy palë zgjedhjesh.
“Unë sot dua të bëj një propozim të menduar mirë e gjatë, sepse rregulli i demokracisë thotë që subjektet vendosin vetë e për LVV-në, as nuk vendos dhe as kurrë nuk ka për të vendosur ndonjë subjekt tjetër. Megjithatë, pas diskutimeve të zgjeruara dhe të thelluara në kryesinë e LVV-së unë do të propozoj si kryetar i VV-së që jam që mandatin e dytë për krijimin e qeverisë të ia japim nënkryetarit, aktivistit e shokut e mikut tonë të afërt e fort të besueshëm, Glauk Kojufca”, tha ai në mbledhje të Këshillit.
“Këtë propozim e bëj për shkak të vlerësimit e besimit të madh që kam e që kemi të gjithë bashkë, por edhe të mos bëhen dy herë zgjedhje edhe në dhjetor edhe në prill. Le të vazhdojmë me kabinetin e njëjtë, unë marr vendin e Glaukut e Glauku timin, siç jemi dakorduar mbrëmë në kryesi bashkë”, deklaroi ai. /teve1.info/
