Kombëtarja U19 e Kosovës në hendboll është mposhtur në ndeshjen e dytë të Kampionatit Evropian (B) në Telavi të Gjeorgjisë.
Të dielën paradite, vajzat tona u mposhtën 27:18 nga Ukraina. Rezultati është dukshëm më i thellë se dallimi i ekipeve në fushën e lojës. Në pjesën e parë vajzat tona ishin rivale të barabarta me ukrainaset. Madje kishin epërsi prej dy golash. Por kishin edhe gabime teknike, sidomos nga dëshira e madhe për sukses.
Pas 30 minutave lojë rezultati ishte 11:10 për Ukrainën. Në pjesën e dytë në lojën e Kombëtares sonë kishte probleme dukshëm më të mëdha dhe këtë e shfrytëzoi Ukraina për fitore me 27:18.
Të shtunën vajzat tona fituan bindshëm ndaj Bullgarisë dhe tani kanë një fitore e një humbje.
Arona Krasniqi u shpall më e mira e ndeshjes nga Kombëtarja jonë. Ajo i shënoi dy gola. Diona Dresh i kishte katër gola, ndërsa Sara Gjergjaj, Arjeta Imeraj e Elona Zeneli i shënuan nga tri. Portierja Alina Shabani i bëri nëntë pritje.
Të martën Kosova U19 luan ndaj Sllovakisë.
