Dy ndeshje për të gjith shqiptarët na presin në mbrëmjen e sontëme, Kombëtarja e Shqipërisë luan ndeshjen ndaj Islandës në kuadër të Ligës B së Kombeve.
Ndeshja fillon nga ora 20:45 në stadiumin “Air Albania”.
Kuq e Zinjët ndodhën në pozitën e tretë tabelare kurse Islanda në të dytën.
Shqipëria do ta nisë me skemën 3-5-2 ku në mbrojtje do të luajnë Ismajli, Gjasula dhe Veseli.
Nga krahët e mesfushës që përbëhet nga pesë lojtarë do të pozicionohen Balliu në të djathtë dhe Lenjani në të majtë, me këtë të fundit që nuk luajti asnjë minutë në Izrael.Në qendër ka fituar një fanellë titullar Ramadani, ndërsa afër tij do të jetë Abrashi dhe gjithashtu i spostuar pak më majtas Nedim Bajrami.
Kurse sulmi do të përbëhet nga dyshja Cikalleshi dhe Uzuni.
Në ndeshjen tjetër Përfaqsuesja e Kosovës do të përballet me Qipron në kuadër të Ligës C së Kombeve, ku kjo ndeshje mund dhe të caktoj eliminimin në Ligën D të Kombeve.
Ndeshja fillon në “Fadil Vokrri”, dhe kjo në orën 20:45.
Në dyshim për të luajtur sonte janë Amir Rrahmani, kapiteni i kombëtares dhe Aro Muric.
Kosova në këtë duel synon vetëm tre pikët, pasi çdo rezultat tjetër do të ishte “dështim”, pas humbjes ndaj Irlandës së Veriut në fundjavën e kaluar.
Është raportuar se janë shituar mbi 7 mijë bileta për këtë sfidë.
