Paraqitjet e mira të Meriton Korenicës me fanellën e Clujit, kanë bërë që vlera e mesfushorit të Kosovës të rritet dukshëm.
Tani, Korenica është në mesin e dhjetë futbollistëve më të vlefshëm në kampionatin rumun, pasi vlera e tij është rritur nga 1.4 në 2 milionë euro.
Korenica ishte lojtari kryesor i Clujit dhe më i merituari që ekipi triumfoi në Kupën e Rumanisë për sezonin 2024/25.
28-vjeçari shënoi 12 gola dhe bëri 7 asistime në të gjitha garat për Clujin, ekip të cilit iu bashkua vitin e shkuar dhe ka kontratë deri në verën e vitit 2026.
Krahas Korenicës, pjesë e Clujit është edhe mesfushori tjetër i Kosovës, Lindon Emërllahu.
