Zëvendëskryeministri dhe ministri i Punëve të Jashtme i Kosovës, Glauk Konjufca, ka zhvilluar sot një takim zyrtar në Vjenë me ministren Federale për Çështje Evropiane dhe Ndërkombëtare të Austrisë, Beate Meinl-Reisinger.
Sipas njoftimit të Ministria e Punëve të Jashtme dhe Diasporës, në takim u diskutua për thellimin e marrëdhënieve bilaterale ndërmjet Kosovës dhe Austrisë, përparimin e Kosovës në procesin e integrimit evropian, si dhe bashkëpunimin e përbashkët në funksion të stabilitetit rajonal.
Konjufca e falënderoi ministren austriake për mbështetjen e vazhdueshme të Austrisë ndaj Kosovës në të gjitha fazat e shtetndërtimit dhe konsolidimit ndërkombëtar.
Ai theksoi në veçanti rëndësinë e përkrahjes së Austrisë për pranimin e aplikimit të Kosovës për anëtarësim në Bashkimi Evropian, për dhënien e statusit të vendit kandidat dhe për hapjen sa më të shpejtë të negociatave për anëtarësim.
Takimi u vlerësua si një hap i rëndësishëm në forcimin e partneritetit ndërmjet dy vendeve dhe në avancimin e agjendës evropiane të Kosovës.
