Trabzonspori është skuadra e fundit nga Turqia, që ka shprehur interesim për shërbimet e mbrojtësit Ardian Ismajli.
Mësohet se Trabzonspori po e sfidon Beshiktashin për Ismajlin, i cili në fund të këtij muaji do të jetë futbollist i lirë pasi i skadon kontrata me Empolin.
Ismajli po shihet si përforcim i duhur në mbrojtje te skuadrat turke që janë në garë të fortë për transferimin e 28-vjeçarit.
Ismajli ende nuk ka vendosur për të ardhmen e tij, pasi ka oferta edhe nga Italia dhe mbetet të shihet se ku do ta vazhdoj karrierën.
Ai prej vitit 2020 ka luajtur në Serie A, fillimisht te Spezia dhe pastaj tek Empoli.
