Arbin Zejnullai është lojtari më i ri i Shkëndijës. Klubi tetovar e ka prezantuar pasi siguroi kualifikimin për në turin e dytë të Champions.
26-vjeçari ishte për herë të fundit pjesë e Egnatias ku fitoi çdo gjë. Mesfushori u kërkua më pas nga Dinamo, Partizani, Tirana dhe Vllaznia.
Zejnullai vendosi përfundimisht të kthehet te Shkëndija ku nisi gjithçka për të. “Djali i shtëpisë” shton kështu forcat në turin e dytë të Champions.
Përballjet me FCSB e Rumanisë do të luhen më 22 dhe 30 korrik. Kampionët e Maqedonisë së Veriut do tentojnë surprizën e madhe.
