Kompania për Distribuimin e Energjisë Elektrike në Kosovë (KEDS) ka njoftuar se, si pasojë e reshjeve të dendura të shiut dhe rrezikut të krijuar në nënstacionin Drenas 220/10 kV, është ndërprerë furnizimi me energji elektrike në zonën e Drenasit për arsye sigurie.
Sipas njoftimit, uji ka depërtuar në nënstacion, duke paraqitur rrezik serioz për funksionimin e sigurt të rrjetit elektrik.
“Autoritetet përkatëse, përfshirë Policinë dhe Zjarrfikësit, janë njoftuar dhe janë në koordinim të vazhdueshëm”, thuhet në njoftim.
Për arsye sigurie, furnizimi me energji është ndërprerë edhe në komunat e Malishevës dhe Rahovecit për shkak të gjendjes së paqëndrueshme nga vërshimet.
Ekipet e KEDS janë në terren dhe po punojnë intensivisht për rikthimin e furnizimit sapo të krijohen kushtet e sigurta, njofton kompania./teve1.info/
